Suopma 90 Finland -ávvojahki 2007


Suopma šattai iehčanassan juovlamánu 6. beaivve j. 1917. Iešalddes jo j. 1906 dohkkehuvvon ođđa riikkabeaiveortnet attii vuođu suopmelaš álbmotváldái:  buot suopmelaččat ožžo almmolaš ja ovttalágan jienastanvuoigatvuođa ja lassin vuoigatvuođa álgit válggain evttohassan.

Suoma iehčanasvuođa 90-jagi ávvojagi dovddaldat MII ! čujuha dálá suopmelašvuhtii oppa dan viidodagas: vuođđoálbmoga ja boares vehádagaid lassin ođđasuopmelaččaide ja olgosuopmelaččaide.

Suopmelaččat leat čuđiid jagiid ovttasráđiid ovddidan suopmelaš eallinvuogi, man dál ávvudit. MII!-vuoiŋŋa vehkiin leat ožžojuvvon olu buorre áššit áigái. Ávvojagi dovddaldat movttiidahttá bargat ja doaibmat ovttas dás duohkoge.

Ávvojagi guovddáš ulbmilin lea eahpedramatiseret suopmelašvuođa ja gáhttet dan eandalitge ealli, aktiivvalaš resursan, mii sikte boahttevuhtii.

Ávvojagi temát

Ávvojagi temát leat šaddan suopmelašvuođa sierra aspeavttain. Temát leat buohkanassii guhtta: historjá ja boahttevuohta; luondu ja geassi, giella ja kultuvra; musihkka; hábmen; lihkadeapmi ja valástallan.

Temáid ollašuhttimis vástidit ávvojagi máŋggat ovttasbargoguoimmit.

Ilolaš Kvárta Iehčanas Supmii juovlamánu 5. beaivve 2007 dmu 12.00 miehtá Suoma

Iehčanasvuođabeaivve ruohttan 5.12.2007 dollojuvvo olles álbmoga ávvoboddu dmu 12.00. Ilolaš Kvárta Iehčanas Supmii -dáhpáhus addá suopmelaččaide ja Suoma ustibiidda oktasaš vásáhusa iehčanasvuođa ávvudeamis.

Ilolaš Kvárta spiehkkasa árbevirolaš suopmelaš iehčanasvuođabeaivve doallamis − dat lea buorebutge movttegis go duođalaš dáhpáhus. Ávvoboddu dollojuvvo dan birrasis, gos olbmot ellet árgabeaivve: skuvllas, bargosajis, ruovttus, boarrásiidsiiddas, beaiveruovttus, buohcceviesuin, biillas, gáhtain, gávppis, toarggas...

Ilolaš Kvártii gullet muhtin oktasaš elemeanttat, nugo buot suopmelaččat ovttas lávlot lihkusávvanlávlaga Supmii. Lassin sávvojuvvo, ahte servošiin lágiduvvojit Kvártta maŋŋá iežas prográmmat − mat beare mat leat ovttas bargojuvvon ja leat iehčanas Suoma ávvudeapmái heivvolaččat.

________________________________________________________________________

Stáhtaráđi kansliija ásahii ođđajagemánus 2006 áirrasgotti ja doaibmagotti válmmaštallat ja ollašuhttit Suoma iehčanasvuođa 90-jagi ávvojagi. Áirrasgotti jođiha kultur- ja valástallanministtar Stefan Wallin ja doaibmagotti oahpahusministeriija kansliijahoavda Harri Skog.

Čállingoddi:

váldočálli, oahpahusráđđi Ritva-Sini Merilampi, oahpahusministeriija
tel. + 358 - 9 - 160 77 234
ritva-sini.merilampi(at)minedu.fi

allagohcci Liisa Ranta, stáhtaráđi kansliija
tel. + 358 - 9 - 160 22 018
liisa.ranta(at)vnk.fi

hálddahusa veahkkebargi Jenny Broberg, stáhtaráđi kansliija
tel. + 358 - 9  - 160 22 045
jenny.broberg(at)vnk.fi

ossodatčálli Marianne Österberg,  oahpahusministeriija
tel. + 358 - 9  - 160 77 437
marianne.osterberg(at)minedu.fi